BCC પ્રાર્થનાસભાનો ભાવપૂર્ણ અહેવાલ
July 10, 2025
વિન્સેન્ટ દે પોલ મંડળ દ્વારા વિદ્યાર્થીઓ માટે ખાસ કાર્યક્રમ
July 18, 2025
તા. ૨૮ જૂન ૨૦૨૫ ના શનિવારે, સેંટ જોસેફ સિનિયર સિટીઝન મંડળ, કરમસદ દ્વારા એક આત્મીય અને ભાવસભર ભજન સ્પર્ધાનું આયોજન કરવામાં આવ્યું હતું. આ વિધાનસભા જેવી ભવ્ય અને ભક્તિભાવથી ભરેલી સ્પર્ધામાં મોટા ઉમંગ સાથે ૨૭ સ્પર્ધકોએ ભાગ લીધો હતો.
કાર્યક્રમની શરૂઆત પૂજ્ય ફાધર ટોનીના સભ્યાયક પ્રાર્થના સાથે કરવામાં આવી હતી. તેમણે તદ્દન નમ્રતા સાથે જન્મદિન ઉજવતા વડીલોને શુભકામનાઓ આપી અને સૌ સભ્યોને આધ્યાત્મિક માર્ગદર્શન આપ્યું. તેમની વાણીમાં પ્રેમ, શાંતિ અને પ્રેરણાનો સરવાળો અનુભવાયો.
કાર્યક્રમની ઉજવણી વધુ મહત્ત્વપૂર્ણ બની જ્યારે દીપપ્રાગટ્ય વિધિ માટે સમાજના અનેક પ્રતિષ્ઠિત મહાનુભાવો હાજર રહ્યા. દીપપ્રાગટ્યમાં રમીલાબેન (નાપાડ હાઈસ્કૂલની શિક્ષિકા), શાંતાબેન (આણંદ મહિલા મંડળ પ્રમુખ), અતુલભાઈ (પેરિશ પાસ્ટર કાઉન્સિલ ઉપપ્રમુખ), વિજયભાઈ (મંડળના પ્રતિનિધિ) અને અન્ય મંડળના પ્રમુખો જોડાયા હતા. ભજન સ્પર્ધાની શુભ શરૂઆત આ દિવ્ય દીપપ્રગટ્ય દ્વારા કરવામાં આવી.
વિશેષ વાત એ રહી કે સ્પર્ધામાં ભાગ લેનાર તમામ વડીલો અત્યંત ભક્તિભાવ અને ઉત્સાહ સાથે પ્રભુના ચરણોમાં ભજનો અર્પણ કરતા જોવા મળ્યા. દરેક અવાજ અને શબ્દમાં ઈશ્વરપ્રેમની ગુંજ જોવા મળી. ખાસ નોંધનીય બાબત એ હતી કે સૌથી વડીલ સ્પર્ધક રમણભાઈ બેડા દ્વારા પણ ઉત્સાહભેર ભાગ લેવામાં આવ્યો. જન્મદિન ઉજવતા વડીલોએ પણ દીપપ્રગટ્ય વિધિમાં ભાગ લઈ ભક્તિમય વાતાવરણને સુગંધિત કર્યું.
સ્પર્ધાનું મૂલ્યાંકન કરવા માટે નિણાયક તરીકે રમીલાબેન અને શાંતાબેનએ જવાબદારી ભજવી. સ્પર્ધાના પરિણામ અનુસાર અનિલભાઈ, માર્ગરેટબેન અને વિમલાબેનને ક્રમશઃ પ્રથમ, દ્વિતीय અને તૃતીય સ્થાને વિજેતા જાહેર કરવામાં આવ્યા.
વિજેતાઓને પૂજ્ય ફાધર ટોની તથા નિણાયક મહાનુભાવોના હસ્તે ઈનામ વિતરણ કરવામાં આવ્યા. ઉપરાંત રમીલાબેન તરફથી તમામ સ્પર્ધકોને સન્માન રૂપે ભેટ આપવામાં આવી. જન્મદિન ઉજવતા વડીલોને પણ અગરબત્તી પેકેટ આપી તેમના જીવન માટે શુભેચ્છાઓ પાઠવવામાં આવી.
આ કાર્યક્રમ ના સંચાલક ઉર્મિલાબેન ના દેખરેખ હેઠળ આ કાર્યક્રમ સફળ બની રહ્યો. કાર્યક્રમના અંતે સિનિયર સિટીઝન મંડળના વરિષ્ઠ શ્રી વિજયભાઈએ સૌ ઉપસ્થિત સભ્યોનો હાર્દિક આભાર માન્યો અને સમગ્ર કાર્યક્રમની સફળતા બદલ સન્માન આપ્યું. પૂજ્ય ફાધર ટોનીએ પણ સમાપ્તી પર સૌને આશીર્વાદપૂર્વક શુભેચ્છાઓ પાઠવી. અંતે સૌએ ભક્તિપૂર્ણ ભાવથી પવિત્ર ખ્રિસ્ત યજ્ઞમાં ભાગ લીધો અને અનુગામી રૂપે પ્રેમભોજનનું અનંદ માણી, પ્રભુ ઈશુનો કૃતજ્ઞતાભર્યો સ્મરણ સાથે વિદાય લીધી.
