સેંટ જોસેફ સિનિયર સિટિઝન મંડળ – જુલાઈ ૨૦૨૫ નો કાર્યક્રમ

કાર્યક્રમની શરૂઆત પ્રાર્થના સાથે થઈ હતી, ત્યારબાદ મંડળના આધ્યાત્મિક સલાહકાર અને સભા પુરોહિત ફા. ટોનીએ સંત જોસેફની પ્રતિમાને પુષ્પમાળા અર્પણ કરી શ્રદ્ધાંજલિ પાઠવી. ત્યારબાદ સી. ઇન્દિરા અને સી. કલાવતીએ જુલાઈ માસના જન્મદિન ધરાવતા સભ્યોને મંચ પર આમંત્રિત કર્યા. અંતોનભાઈએ પાઉલભાઈ, સુનીતાબેન, વસુમતીબેન, વિમળાબેન, નિર્મળાબેન, સવિતાબેન, ફિલોમીનાબેન, કમળાબેન અને રેગીનાબેન – એમ કુલ ૦૯ વડીલોનો પરિચય આપ્યો. ફા. ટોની, સી. ઇન્દિરા અને સી. કલાવતીએ પુષ્પ અને અગરબત્તી પેકેટ અર્પણ કરીને સૌનું સન્માન કર્યું. સૌએ મળીને જન્મદિન શુભેચ્છા ગીત ગાયું અને સી. ઇન્દિરાએ દરેકના આરોગ્ય અને સુખાકારી માટે પ્રભુને પ્રાર્થના કરી.